Министерството за здравство обезбеди 2.400 комерцијални вакцини против грип
Центрите за јавно здравје низ државава обезбедија вкупно 2.400 комерцијални вакцини против сезонски грип, од кои 1.000 дози се достапни во Центарот за јавно здравје-Скопје. Примањето комерцијална вакцина ќе чини 700 денари, информираа од Министерството за здравство.
Министерството исто така соопшти дека почнува пријавувањето за бесплатна вакцинација против сезонски грип за ризичните групи население. За тоа, граѓаните може да се пријават преку апликацијата на vakcinacija.mk на следниот линк: https://vakcinacija.mk/mk/registration-flu или преку својот матичен лекар.
Со бесплатната вакцинација се опфатени следните ризични категории: повозрасни лица над 65 години, лица со хронични заболувања, здравствени работници, бремени жени, деца на возраст од шест месеци до пет години, како и лица сместени во установи за социјална заштита на стари лица и вработените во овие установи.
