ФИЛИПЧЕ НЕ НИ ТРЕПНА КОГА СО ЗАЕВ ГО ПРОДАДОА ИМЕТО Сега му пречи секој успех на Македонија
Венко Филипче денеска најде да зборува за распродавање, а не трепна кога со Зоран Заев ги распродаваше името, јазикот и Уставот на државата, реагира ВМРО-ДПМНЕ на прес-конференцијата на претседателот на СДСМ.
„Селфито во авионот на пат кон „брзата ЕУ интеграција“ ја турна државата во ќорсокак, а што е до него тој веднаш би потпишал нов бланко лист. Селективната принципиелност на Филипче е смешна, му пречат дата центри, не му пречат провизии од вакцини. Неговиот мандат како министер за здраввство јасно покажа дека му одговара само некој тендер, провизија од вакцина, па дури сакаше и да одземе болница со уцени за судски спорови“, се вели во реакцијата на ВМРО-ДПМНЕ.
Јасно ни е, се додава, дека на Филипче му пречи секој успех на Македонија.
„Му пречат економските политики на Владата оти ја движат земјата во правилна насока, а за тоа говорат 8-те последователни квартали со раст на БДП од над 3%“, порача ВМРО-ДПМНЕ.
Филипче да се преиспита што точно му одговара, додава партијата.
„Досега знаеме дека не му пречат висококатниците во Дубаи, златни визи, јахтите во Грчка, знаеме дека е фан на Џиновиќ и на Заев, ама не знаеме зошто му пречат сите неуморни напори на Владата да ја води државата напред и да го подобри животот на граѓаните“, се вели во реакцијата на ВМРО-ДПМНЕ.
Филипче денеска рече дека власта договара дата центри под радарот заради нивни лични бизнис интереси и дека дата центрите ќе трошат огромни количества вода и електрична енергија, а нема да создадат речиси никакви работни места.
.
Извор: plusinfo.mk
