Министерка барала од возачот да ја вози неа и нејзините другарки на локација подолга од 400 километри: „Згрешив…“
Министерката за транспорт на Нов Јужен Велс, Џо Хејлен побарала од возачот да ја однесе неа и нејзините пријатели на локација оддалечена над 400 километри и назад, по цена од 750 долари.
„Донесов погрешна одлука“, рече Хејлен денеска откако се извини и потврди дека ќе ги врати парите за 13-часовното патување до долината Хантер, долга 446 километри.
На прашањето зошто не резервирала Uber, министерката им рече на новинарите: „Во ретроспектива, требаше да резервирам“.
Записите покажуваат дека на 25 јануари, патувањето започнало во 8 часот и завршило во 20:50 часот и било означено како „официјално патување во делничен ден“, пишува Гардијан.
Иако се извини за своите постапки, Хејлен одби да поднесе оставка, како што бараше опозицијата.
„Мислам дека луѓето разбираат дека понекогаш се прават грешки. Тука згрешив, па се извинувам и ги враќам трошоците. Никој не е совршен“, рече таа.
