Мили наши дами, среќен 8-ми март – денес е денот на жената
Драги наши дами, мајки, сопруги, баби, сестри, девојки… редакцијата на 4NEWS.mk од се срце ви посакува среќен празник!
Среќен ден на жената на сите припаднички на понежниот пол. Вие сте столб на секое општество и сакаме да бидете среќни, весели и насмеани и да ви се остварат сите желби, не само денес, туку секогаш. Честитки од срце.
Меѓународниот ден на жената потекнува од работничкото движење, а Обединетите нации го препознаа како годишен настан.
Семето на неговото создавање било посеано во 1908 година, кога 15.000 жени прошетале низ Њујорк барајќи пократко работно време, подобра плата и право на глас.
Една година подоцна, Социјалистичката партија на Америка го прогласи првиот Национален ден на жената.
Идејата да се воспостави меѓународен празник потекнува од една жена по име Клара Четкин, која го предложила во 1910 година на Меѓународната женска конференција во Копенхаген.
Првичната идеја на Клара не вклучуваше фиксен датум. На конференцијата присуствуваа 100 жени од 17 земји и тие едногласно го прифатија предлогот.
На меѓународно ниво, Денот на жената за прв пат беше прославен во 1911 година, во Австрија, Данска, Германија и Швајцарија.
Стогодишнината од прославата се прослави во 2011 година, така што оваа година практично го прославуваме 112. Меѓународен ден на жената.
Се беше официјализирано кога Обединетите нации почнаа да го слават овој ден.
Првиот слоган усвоен од Обединетите нации во 1996 година беше „Прославување на минатото, планирање на иднината“.
Меѓународниот ден на жената стана повод да се прослави колку жените постигнале во општеството, политиката и економијата.
