Миленковски: Нема да застанеме тука, можеме уште да победуваме!
Момците на Миленковски имаат фантастичен старт на Европското првенство, две победи по првите две кола со кои ќе одиме во осминафинале. Целта ја остваривме, но сите веруваат дека можеме уште да победуваме иако следните противници се потешки.
„Ова ни беа двете најважни победи, а потоа рековме дека ќе уживаме во ова првенство. Такви ни беа и подготовките, ја темпиравме формата и како што рече капитенот многу одработивме, посветивме многу внимание на играта, имавме тактичко-технички анализи постојано и се друго што беше потребно и тоа вроди со плод“, вели Миленковски.
„Мораме да бидеме благодарни на оваа прекрасна публика која го прави овој прекрасен амбиент. Имаме трема и возбуда. Зад мене имаме стотици натпревари, но имам трма пред оваа публика“.
„Утре играме против една од најдобрите репрезентации во светот, тие играчи се од друга планета, но тоа треба да биде магнет од публиката. Да уживаме сите заедно. Ние нема да застанеме тука, зошто да не оствариме уште некоја победа во групата и да одиме на вториот или третиот во осминафиналето. Секоја чест за овие момци кои се покажаа во најдобро светло“.
