Милановиќ за испраќање хрватски хеликоптери во Украина: „Тоа води до МАСОВНО КРВОПРОЛЕВАЊЕ“
Хрватскиот претседател Зоран Милановиќ денеска повторно ја критикуваше хрватската влада за одлуката да испрати хеликоптери во Украина и посочи дека тоа води до продолжување на војната и масовно крвопролевање.
– Овие хеликоптери што беа испратени во Украина, тоа е одлука на владата, тоа води до масовно крвопролевање и масовна смрт и продолжување на војната – изјави Милановиќ на новинарите.
Тој рече дека тие хеликоптери не се загуба за хрватското воздухопловство.
– Не ветуваат и нивните ресурси се при крај. Не ни требаат во тој број. Имавме премногу хеликоптери со огромен капацитет за потребите на мала земја и мала армија. Американските што ги купуваме се брутално скапи, на нив се прават незамисливи профити – рече Милановиќ.
Тој истакна дека Владата на Хрватска може да прави што сака кога е во прашање опремата, но кога е во прашање персоналот, вели тој, не може бидејќи тој е врховен командант, објавија хрватските медиуми.
Милановиќ ова го изјави по одбележувањето на 30-годишнината од основањето на Матица на хрватските синдикати, одговарајќи на новинарско прашање да ја коментира одлуката на Словачка да испрати борбени авиони од типот МиГ во Украина.
