Мицкоски на Конгресот на ЕПП: „Македонскиот народ заслужува фер третман и почит за својата посветеност на европскиот пат“
На својот фејсбук профил, премиерот Христијан Мицкоски во објава вели дека „голема чест му било да се обрати на Конгресот на ЕПП“.
„Голема чест беше да се обратам на Конгресот на ЕПП, меѓу лидери посветени на слободата, демократијата и одговорното владеење.
Мојата Влада останува цврсто посветена на конзервативните вредности, семејството, одговорноста, економската слобода и владеењето на правото, вредности што нè водат дома и во Европа.
Сепак, не можеме да молчиме за двојните стандарди кои го поткопуваат европскиот дух и ја разочаруваат нашата нација. Македонскиот народ заслужува фер третман и почит за својата посветеност на европскиот пат. Време е за Европа на доследност, вредности и заемна почит“, вели Мицкоски.
