Мицкоски и Таравари во клинч за паркингот на Клинички
Два различни ставови од иста Влада слушаме деновиве за новиот клинички центар. Премиерот е дециден дека одука на Влада нема.
Јас би внимавал со заклучоците и не би се сложил со вас. Јас разбирам дека уредувачката политика на поедини медиуми има за цел да растури пердуви со невистини и конструкции, да обвинува неосновано, и ние сега како политичари треба да сме дефанзивни и да се браниме. Факт број еден: одлука се носи врз основа на физибилити-студија, физибилити-студија така кажала. Второ, распишан е оглас, се јавила само една компанија иако критериумите се прилично широки. Трето: ништо не е потпишано, ништо не е завршено. Ја слушаме ние јавноста. Јавноста е незадоволна. Од сето ова што претходно го кажав се е според закон, тоа не значи дека ќе потпишеме договор. Одлука на Влада нема, договор не е потпишан, ако јавноста вели не сакаме, нема да го потпишеме, рече Мицкоски.
Но на ваков мислење не е министерот за здравство. Тој рече има пријавено една компанија која е заинтересирана да стопанисува со паркингот. На новинарско прашање зошто е слаб интересот, министерот одговори дека поради тоа што во повикот имало наведено дека стопанисувањето ќе биде се додека Клинички центар биде таму.
„Морам да кажам дека не се однесува договорот за 20 години, туку услов во договорот е дека фирмата која ќе го добие тендерот ќе стопанисува со паркингот додека е на тоа место Клиничкиот центар. Јас не верувам дека повеќе од 7-8, еве и 10 години таму ќе остане Клинички. Затоа и немаше интерес од компаниите, да беше на подолг рок ќе се пријавеа повеќе“, рече денеска Таравари.
