Мицкоски бара една изборна единица
Премиерот Христијан Мицкоски денеска побара пратениците да поддржат измени на Изборниот законик за една изборна единица, со што како што нагласи ќе се овозможи и дијаспората да гласа.
„Ве повикувам заедно сите да го промениме Изборниот законик и да направиме една изборна единица и во таа една изборна единица да дозволиме да се формираат избирачки места во оние држави во кои се дозволува согласно Устав да се формираат избирачки места надвор од Дипломатско конзуларните претставништва (ДКП). Јас сум подготвен веднаш, а и пратениците од коалицијата на ВМРО-ДПМНЕ, да го поддржиме тој закон каде што ќе има една изборна единица и во таа една изборна единица да се гласа, вклучително да бидат вклучени и гласовите од дијаспората. Да се гласа насекаде каде што дозволува законот на таа држава, да се гласа надвор од ДКП. Веднаш подготвен сум да го поддржам тој закон и давам збор дека пратеничката група на ВМРО-ДПМНЕ ќе го поддржи“, одговори Мицкоски
