Метео аларм: Силен северен ветер во Повардарието и источните делови
Управата за хидрометеоролошки работи (УХМР) издаде метео-аларм за денешниот ден, 11 октомври 2025 година, поради најава за засилен северен ветер.
Како што е прикажано и на објавената карта, поголемиот дел од земјата е означен со жолто ниво на опасност (метео аларм).
Најсилниот ветер се очекува долж Повардарието, како и во источните делови на државата. Жолтиот метео-аларм за засилен ветер ги опфаќа регионите околу Куманово, Свети Николе, Пробиштип, Штип, Радовиш, Делчево, Берово, Струмица, како и централните делови околу Велес и Чашка.
УХМР препорачува внимателност при движење на отворено во овие региони.
