Мемет Камбер ќе биде достојно погребан денес на гробиштата во Бутел
По цели 22 дена денес во 14 часот на гробиштата во Бутел Мемет ќе биде достојно погребан од роднините. Мемет Камбер почина на 24 мај во болница, а неговото безживотно тело стоеше во капелата на гробиштата Бутел во Скопје.
Во врска со овој случај, административните служби работеа на административен проблем на кој требаше да се докаже вистинските односно биолошките родители на Мемет,за истите според законот и доказот од ДНК да бидат евидентирани (запишани)вистинските родители во матичната книга на родени.
Случајот се искомплицира откако се дозна дека биолошката мајка на Мемет го пријави во болница како новородено бебе со позајмена здравствена книшка, односно истата беше позајмена од блиска роднина (золва). Мајката на Мемет неразмислувајки за постапката и последиците од чекорот затоа што таа беше малолетна и имаше само 14-години.
Во пресрет излегоа пратеничката Лјатифа Шиковска, државниот секретар при Министерство за правда г-дин Мухамед Точи а како правно лице(бесплатно) беше ангажиран адвокат г-дин,м-р Шенај Османов.
За денешниот погреб трошоците од 30.000 денари ќе ги покрие Општина Шуто Оризари.
