Меган Маркл отвори нов профил на Инстаграм
Пред 24 часа на Инстаграм Меган Макрл отвори нов профил нарекувајќи го едноставно – Меган – војвотката од Сасекс.
Откако објави видео како трча боса по песочната плажа пишувајќи 2025 во песокот, таа денес објави ново видео и откри што се крие зад овој потег.
-Многу сум возбудена што можам да го споделам ова со вас! Се надевам дека ќе ви се допадне шоуто затоа што навистина уживав додека го снимав. На сите ви посакуваме фантастична нова година! Благодарение на нашата прекрасна екипа и тимот на Нетфликс! Јас сум благодарна за вашата поддршка. Како и секогаш, Меган!“
Ова е текстот кој Меган Маркл го објави покрај новото видео на својот официјален Инстаграм профил.
Како и сè што има направено досега, отворањето на нејзиниот Инстаграм профил и снимањето на видеото беа внимателно испланирани и темпирани, за да го најави нејзиното ново шоу на Нетфликс.
Со наслов „Со љубов, Меган“, шоуто започнува на 15 јануари, а всушност е продолжение на нејзиниот животен бренд American Riviera Orchard.
Во новото шоу Меган учествува сама, без нејзиниот сопруг, принцот Хари, а сака да се покаже како вешт готвач, а нејзините пријатели кои се согласиле на снимањето ќе можат од прва рака да уживаат во нејзините специјалитети.
