Дамфрис херој, Интер е прв финалист во Суперкупот на Италија (ВИДЕО)

Во полуфиналниот дуел, „нераѕурите“ го совладаа лидерот во Серија А, Аталанта со 2-0, благодарение на холандскиот репрезентативец Дензел Дамфрис кој ги постигна двата гола. Првиот го реализира по една мешаница во противничкиот шеснаесетник на стартот од второто полувреме, а вториот беше ремек дело со удар од врвот на шеснаесетникот по точно еден час игра.

Аталанта во 72. минута постигна гол преку Едерсон, но тој беше поништен поради офсајд позиција. Натпреварот беше исклучително динамичен и немаше да биде незаслужено ако победи и тимот од Бергамо.

Во мечот за трофејот, Интер ќе се сретне со подобриот од дуелот меѓу Милан и Јувентус кој се игра утре. Победникот на италијанскиот Суперкуп што се одржува во Саудиска Арабија ќе заработи 8 милиони евра.