Медведев во три сета преку Рубљов за полуфинале на УС-опен

Поинаква најава имаше мечот од стартот во однос како заврши, зашто Рубљов со брек поведе со 3-0, но само колку да го разбуди Медведев, кој брзо се врати во мечот, дојде до 3-3, а потоа во деветтиот гем направи втор брејк и на свој сервис го потврди водството од 1-0 во сетови (6-4).

Слично сценарио имаше и во вториот сет, иако Медведев тргна со брејк, па го загуби својот сервис, па уште еден во четвртиот гем за водство на Рубљов со 3-1 и потоа експресен кам-бек со пет освоени гемови и три брејка за 2-0 (6-3)

Најнеизвесно беше во третиот сет, во кој Рубљов пак прв направи брејк, дојде до 4-2 и потоа брзо ја загуби предноста за Медведев да израмни, а откако го освои својот сервис за да поведе, во десеттиот гем, Рубљов прво спаси четири меч топки, неискористи неколку свои предности за да остане во живот, па петтата меч топка ја загуби за конечен пораз.

Медведев сега во полуфиналето го чека победникот од дуелот Карлос Алкараз – Александер Зверев.