Мечка влегла во трговски центар и паднала од балкон на паркинг (ФОТО)
Мечка падна од првиот кат на паркинг во трговски центар во градот Брашов во централна Романија, јави агенцијата Агерпрес. Како последица на падот, животното било тешко повредено и морало да биде евтанизирано.
Екипите за интервенција цело време го следеле движењето на животното и во ниту еден момент не постоела опасност по населението, прецизираат од градското собрание.
Un urs rănit grav după ce a căzut de la primul etaj al parcării unui mall din Brașov a fost eutanasiat
Citiți aici: https://t.co/PSSdRUcPK3#ştiri #știriromânia #stiribrasov pic.twitter.com/c0aKaV2FVG
— Libertatea (@libertatea) June 5, 2023
Мечката нашла балкон на паркингот и се обидела да излезе преку него, поради што паднала. Иако е ранета, таа пешачела десетици метри пред да биде фатена од специјализираниот тим. Поради повредите на животното е донесена одлука за еутаназија.
Минатата недела уште една мечка влегла во дворот на куќа во северниот дел на Брашов, а локалните жители биле предупредени да ја избегнуваат областа со системот RO-ALERT.
Романија е дом на најголемата популација на кафеави мечки во ЕУ. Нивниот број не е ажуриран од 2013 година, но се верува дека повеќе од 6.000 примероци, а според некои проценки дури 10.000, живеат во 30 од вкупно 42 окрузи во земјата.
