Меч за историја во Келн: Франција по продолженија до четврто финале на ЕП!
Ова беше средба според сценарија од највозбудливите филмови на Алфред Хичкок, во која емоциите беа на ролеркостер во двата табора, со оглед на неколкуте ситуации во кои некој од тимовите можеше да дојде до триумф. „Галските петли“ одиграа совршено прво полувреме (17-11), но следуваа пеколни 30 минути на Швеѓаните, кои во последната минута влегоа со огромни 27-25. Сепак и тоа не се покажа доволно за седмо финале, бидејќи противникот прво намали, па потоа тие направија чекори. Последниот напад на Французите беше спречен, остана да се изведе само „слободен удар“ и кога скандинавските навивачи веќе почнаа да слават на трибините во Келн, Пранди упати вистинска бомба која го изненади дури и феноменалниот голман Паличка, кој беше херојот до тој момент.
Ова значеше две продолженија по пет минути, кои француските ракометари го почнаа со три гола во низа, предност која потоа ја задржаа до самиот крај. Швеѓаните не успеаја да се вратат по шокот на крајот од регуларниот дел и останаа без шанса за шестото европско злато. Иго Деска со осум голови беше најпрецизен кај Франција, додека Мем реализира шест, а Ремили пет погодоци. Клар со девет голови беше најефикасен кај Шведска. Натпреварот совршено го судат нашите Ѓорѓи Начевски и Славе Николов.
Вториот финалист ќе биде познат вечерва, по второто полуфинале помеѓу Германија и Данска (20.30 часот).
