Мбапе промашуваше, ВАР поноштуваше голови, ама ПСЖ конечно победи по два кикса (ВИДЕО)

Во тотално луд меч во Монпелје, Килијан Мбапе успеа да утне два пенали во десетата минута (првата утка беше повторена), па на одбиена топка и празен гол од три метри, по што се повреди и беше заменет во 21.та минута, а на сцена стапи ВАР за да им поништи голови за офсајд на Лионел Меси во 35-та и на Ашраф Хакими во 52-та, но домаќинот не успеа да додржи.

Фабијан Руиз го скрши отпорот во 55-та, Меси го дуплираше водството во 72-та на асистенција на првиот стрелец, а Зир-Емери стави печат на победата во 90+2-та минута, откако Монпелје се врати во мечот минута пред крајот на регуларните 90 со погодок на Нордин.

Гаетан Лаборде со голот во 57-та минута на Ница ѝ донесе голема победа за да го расплака Ланс, па главниот конкурент на ПСЖ за титулата сега падна на третото место после триумфот два часа претходно на Марсеј и тимот од северна Франција сега е на минус пет во однос на лидерот и првак.

Монако со 3-2 го победи Оксер за да остане четврти со 41 бод, а Рен беше уште поубедлив со триумфот со 3-0 против Стразбур за да биде петти со 40 бода. Само Лион не успеа да победи и дома ремизираше без голови со Брест.