Маж фатен пијан зад волан – судот тврди: Не е виновен, бегал од сопругата и љубовницата

Во Соединетите Американски Држави, возењето под дејство на алкохол не е нужно нелегално, пресуди судот во Калифорнија на судењето на маж кој се обидел да побегне од две гневни жени.

Томас Патрик Хјустон (60) ѝ објаснил на поротата дека скокнал во својот автомобил за да избега од сопствената сопруга, која го нашла во прегратките на неговата љубовница, која подеднакво се налутила кога сфатила дека е изневерена.

Точно е дека 60-годишникот бил под дејство на алкохол, но бегството му било единствениот излез за да го заштити својот физички интегритет, објаснил на судењето, а спасувањето на сопствената кожа е дозволено со закон. Поротата во градот Укија, во винскиот регион во Калифорнија, по расправата, прогласи дека Хјустон не е виновен за возење под дејство.

„Сведоштвата покажа дека Хјустон бил изненаден од сопругата, која го нашла во флагранта во прегратките на друга жена и затоа морал да бега од две гневни жени“, објасни обвинителството на Фејсбук.