МАСОВНО СЕ ПАТУВА ВО СТРАНСТВО – граѓаните дома нејќат да се возат со автобус, ама кога патуваат надвор не им пречи

Додека интересот
за патување со автобуси низ земјава се намалува и граѓаните се помалку ги
користат нивните услуги, голем дел од населението се почесто патува во
странство, било да е тоа со редовните линии или пак преку специјални понуди и
разни излетнички понуди.

Државниот завод
за статистика објави најнови податоци за превезените патници во нашата земја.
Согласно нивните податоци, во
првото тримесечје од 2025 година бројот на превезени патници во патничкиот
патен превоз е намален за 8,6 отсто во однос на истото
тримесечје од претходната година.

Но, деталите
откриваат дека, иако генерално има пад на бројот на превезени патници, кај превозот
на патници надвор од границите на нашата земја нивиот број значително пораснал.

– 
Во
првото тримесечје од 2025 година, вкупниот број на превезените патници во
патничкиот патен превоз изнесува 9.845 илјади и е намален за 8,6 проценти во
однос на првото тримесечје од 2024 година, и тоа: во градскиот превоз е намален
за 12,4 отсто, во приградскиот превоз е намален за 6,3 проценти, додека во меѓуградскиот
превоз е зголемен за 0,8 отсто. Во меѓународниот превоз е зголемен за 54,9 проценти
– се посочува во соопштението на ДЗС.

Податоците откриваат дека вкупниот број на
патничките километри е 247.877 илјади и е зголемен за 27,6 отсто во однос на
истиот период од претходната година, и тоа во градскиот превоз е зголемен за 30,5
отсто, во приградскиот превоз е зголемен за 7,2 проценти, во меѓуградскиот
превоз е намален за 5,2 отсто, додека во меѓународниот превоз зголемувањето
изнесува 62,6 отсто.

Бројките
покажуваат дека има раст и кај редовните линии и кај специјалните тури како што
се екскурзиите, шопинг турите или пак туристичките тури…

Притоа може да се забележи дека во првиот квартал
од 20204 година биле превезени 69 илјади патници, додека во првиот квартал оваа
година нивниот број достигнал 107 илјади патници.

Податоците на ДЗС покажуваат дека голем раст на
бројот на превезени патници имало уште во претходниот квартал. Имено, во
четвртиот квартал од 2024 година, иако имало намалување на вкупниот број на
патници, кај меѓународниот превоз бројот на патници пораснал за 100 отсто.

Официјално
бројките покажуваат дека во
четвртото тримесечје од 2024 година бројот на превезени патници во патничкиот
патен превоз е намален за 1,6 отсто во однос на истото
тримесечје од претходната година. Притоа вкупниот број на
превезените патници изнесувал 10.989 илјади. Притоа кај градскиот превоз имало раст од само 0,3 проценти, приградскиот превоз се намалила за 8,2 проценти, додека меѓуградскиот
превоз бил зголемен за 5,9 отсто. Сепак, според ДЗС бројот на патници
во меѓународниот превоз е зголемен
за 100,5 проценти.

Конкретно кога
станува збор за меѓународниот превоз, во четвртиот квартал 2023 година биле
превезени 116 илјади патници, додека четвртиот квартал минатата година 232
илјади патници.

П.О.