Маск: Го предизвикав Путин на физичка пресметка еден на еден
Илон Маск повторно ја коментираше војната во Украина, тврдејќи дека украинската војска ќе пропадне без нејзиниот систем Starlink и повика на итен прекин на конфликтот.
„Буквално го предизвикав Путин на физичка пресметка еден на еден околу Украина, а мојот систем Старлинк е столбот на украинската војска. Целата нивна линија на фронтот ќе се сруши ако го затворам“, напиша тој на X.
Маск истакна дека е ужаснат од долгорочното крвопролевање во војна која Украина нема да може да ја добие на крајот.
„Она што ме згрозува се годините на масакр во ќор-сокак што Украина неизбежно ќе го изгуби“, рече тој.
Заклучи со пораката дека секој кој навистина се грижи, мисли и ја разбира ситуацијата треба да бара крај на војната.
„Кој навистина се грижи, навистина мисли и навистина разбира, сака оваа мелница за месо да престане. МИР СЕГА!!“
