Мане не може да го поднесе Роналдо и си оди од Ал Наср

Иако нема официјална потврда, негов нов клуб најверојатно ќе биде Ал Итихад каде настапува Карим Бензема кој ќе му биде партнер на Мане во нападот. Причината поради која Сенегалецот сака да си оди од Ал Наср е однесувањето на Кристијано Роналдо кој ги понижува соиграчите, а со Мане нема речиси никаква соработка во нападот.

„Ал Итихад тргна по потписот на Садио Мане. Во моментов се преговара за структурата на трансферот, а можна е и позајмица. Важна улога во преговорите има Карим Бензема кој на раководството му соопштило дека сака да соработува со Мане и дека со него ќе пораснат шансите за освојување шампионска титула“, тврдат медиумите во Саудиска Арабија.

Мане беше член на Ал Наср само една сезона, за плата од 40 милиони евра. Одигра 48 натпревари и постигна 19 гола и 11 асистенции.