Малопродажба во Хрватска: Просечна плата во „Лидл“ е 1534 евра, зголемена за 34 одсто за една година

„Лидл“ забележал убедливо најголема нето добивка, 52 милиони евра, во хрватската трговија, објави „Пословни.хр“.

Во Лидл, меѓу другото, просечната нето плата е значително повисока отколку кај конкурентите; лани ја зголемила за 34 отсто, на 1.534 евра, а повисока од 1.000 евра е само кај сестринскиот ланец маркети „Кауфланд“. Сепак, дел од објаснувањето за ова е значително повисокиот приход по вработен во споредба со повеќето конкуренти, што кажува нешто и за различните бизнис модели на најголемите синџири.

„Плодине“, четвртиот по големина трговски синџир во Хрватска, минатата година направил обрт од 790 милиони евра со речиси 15 отсто зголемување на приходите.

Фирмата од Риека во сопственост на Миле Ќурковиќ минатата година ја затворила со 117 супермаркети или 10 повеќе од претходната година и 4.360 вработени или 7,7 отсто повеќе. 

Крижевачки КТЦ, уште еден од поголемите трговски синџири во домашна сопственост, минатата година ги зголеми оперативните приходи за десет проценти, но трошоците му се повисоки за околу 12 проценти.

Во трговијата со непрехранбени производи, Pevex лани на ниво на групација го зголемил бројот на вработени за 172, односно на вкупно 2.235 вработени.

Зголемени приходи имаат и Баухаус и Леснина.