- Модерен интерфејс, напредни ТВ опции, слика и звук
со висок квалитет
- Секогаш, секаде и на сите екрани: ТВ, смартфон,
таблет или лаптоп
- Со MagentaTV секој телевизор станува паметен
Македонски Телеком
воведува нова генерација дигитална телевизија – MagentaTV, иновативна ТВ платформа којашто нуди едно сосема
ново, модерно ТВ доживување во согласност со современите навики и интереси на
корисниците. Новата телевизија е
достапна секогаш и секаде и на сите екрани, со слика и звук со висок
квалитет, модерен интерактивен интерфејс, пристап до апликации од Google Play
Store, ТВ-тека, видеотека, видео клуб, снимање, паузирање, премотување и
многу други напредни опции.
„MagentaTV
не е само ново име, туку еволуција во телевизијата, којашто е одговор на
новото дигитално време и на новите интереси на корисниците. Ние ја почнавме
приказната за интерактивна телевизија уште во 2008 година и постојано
воведувавме нови функционалности, со кои низ годините ја редефиниравме
класичната телевизија. Но MagentaTV е многу повеќе од нова функционалност;
тоа е една сосема нова приказна, каде на едно место имате пристап до голем
број апликации, а омилените содржини можете да ги гледате каде сакате, кога
сакате и на кој уред сакате.“ – истакна Емилија Андоновска, Главен директор
за приватни корисници.
Секој телевизор станува паметен
MagentaTV
e најмодерно технолошко решение базирано на cloud, со нов уред (MagentaTV Box)
и Bluetooth далечински управувач со говорни команди. Со MagentaTV секој
телевизор станува паметен преку огромен број апликации достапни на Google
Play Store, но и преку однапред инсталирани апликации
како: YouTube, HBO Max, GLEY. Дополнително, постои можност за гласовно
пребарување низ содржините со помош на Google Assistant. На овој начин сите
ТВ содржини и стриминг сервиси се на едно место, достапни преку модерен
интерфејс.
Секогаш секаде и на сите екрани
Омилените
содржини може да се следат каде и да сте: на компјутер и лаптоп или на
смартфон и таблет во движење, преку апликацијата MagentaTV Go. Дополнително,
можете да почнете да гледате на еден уред, потоа да паузирате и да продолжите
истата содржина да ја гледате на друг уред. На овој начин омилените ТВ
содржини не се резервирани само за дневната соба, туку можете да ги следите каде
и кога ви одговара.
Одржливо решение за заштита на животната средина
MagentaTV
Box е изработен од рециклирана и био-разградлива пластика со пакување од
разградливи природни материјали што придонесува за заштита на животната
средина. Тој ја носи ознаката Green Magenta, којашто се користи во Групацијата
Дојче Телеком за продукти и иницијативи коишто носат позитивна промена за
намалување на климатските промени и одговорно користење на ресурсите.
MagentaTV
е дел од новото Magenta 1 портфолио во коешто ќе бидат вклучени и неограничен
5G мобилен интернет, роаминг интернет, зголемени оптички брзини и многу други
новитети.
Повеќе информации на https://www.telekom.mk/magentatv.nspx
|
