Македонија вложи 280 милиони евра во нов возен парк! Кои се најголеми увозници на нови возила?

Македонците претпочитаат европски производители на нови возила, а најголеми приходи лани од продажба на нови возила и од сервис оствариле две компании кои нанашиот пазар увезуваат германски возила

Македонските граѓани минатата година вложија над 280 милиони евра во нови автомобили, комерцијални возила, камиони, автобуси и моторцикли. Овој официјален податок е агрегат од приходите кои лани ги остварија најголемите увозници, дилери и трговци со нови возила во земјава.

Податоците покажуваат дека Македонците кои купуваат нови возила односно автомобили претпочитаат и најчесто избираат европски марки возила.

Така најголем приход во широката понуда на возила има увозникот на реномираните германски производители Воксваген, Ауди, Порше, чешка Шкода и шпански СЕАТ, тоа е компанијата „Порше Македонија“. Нивниот приход лани надминал 58 милиони евра. Изворот на тие приходи е од продажба на нови возила и од сервисирање на возила во нивните овластени сервиси.

За нијанса помал приход лани има увозникот на, по многумина глобално најпопуларниот европски производител Мерцедес -Бенз, а тоа е скопската компанија „Мак Ауто Стар“. Тие лани инкасирале над 52 милиони евра од продажба на нови и од сервисирање возила. 

Воедно овие две компании се и најголемите работодавачи во бизнисот со продажба на нови возила.

Според официјалните податоци на Царинската управа лани се увезени 8.790 патнички автомобили, 1.131 товарно возило и 24 нови автобуси.

 Извор https://customs.gov.mk/mk-MK/pocetna/za-nas/publikacii-i-izveshtai/broj-na-uvezeni-vozila.nspx

Целата листа на најголемите увозници на автомобили, товарни возила, моторцикли и автобуси е овде:

Р.Ф.