МАКЕДОНИЈА ИМА ПОВЕЌЕ ОБВИНИТЕЛИ ОД ГЕРМАНИЈА, ГРАНЦИЈА, ИТАЛИЈА… Најмногу обвинители има Бугарија
Македонија во 2022 година имала 8,5 јавни обвинители на 100 илјади жители, а во 2024 година, како што покажува последниот извештај на Советот на јавни обвинители, тој број е зголемен 9,2, со што полека се доближува околу просекот од 11,2 јавни обвинители на 100.000 жители во 44 земји што ги покрива последниот евалуациски извештај на Европската комисија за ефикасност на правдата ЦЕПЕЈ за правосудните системи во 2022 година, со податоци за 2022 година.
Македонија по бројот на јавни обвинители на 100.000 жители влегува во друштво на земји како Германија (7,7), Белгија (7,5), Финска (7,9), Малта (8,8), Словенија, (9,8), Луксембург (9,8) и Северна Ирска (9,3).
Бројот на обвинители на 100.000 жители варира значително од една земја до друга, од минимум 3,2 во Франција и Ирска, 3,8 во Италија до максимум 24 во Бугарија, Латвија и во Молдавија.
Како што се движиме кон исток на Европа, бројот на обвинители по жител има тенденција да се зголемува, со стапки генерално повисоки од 15 на 100.000 жители, иако има исклучоци и на североисток, како Финска и Шведска и на југоисток, како Албанија, Грција и Македонија.
Од земјите во регионот, Грција има 5,7, а Албанија 7,2 јавни обвинители на 100.000 жители. Потоа следува Македонија, па Словенија со 9,8, Србија и Босна и Херцеговина со по 10,4 јавни обвинители. Хрватска и Црна гора имаат по 16,2 и 16,6 јавни обвинители на 100.000 жители, додека Бугарија 23,9.
Разликата во бројот на јавни обвинители на 100.000 жители од земја до земја во Извештајот се објаснува со тоа што 15 земји-членки и една држава набљудувач (Израел) имаат друг персонал со должности споредливи со оние на обвинителите, обезбедувајќи им поддршка.
Во Италија, „Вицепрокураторот“ им помага на обвинителите со сослушувања за помали прекршоци, студии на судската пракса и подготовка на барања за прекин на случајот.
Во Франција, „делегатот на обвинителот“ е одговорен за спроведување алтернативни мерки на гонење и скратени кривични постапки, следење на извршувањето на казните и учество во локалните политики за спречување на криминалот. Во 8 земји-членки и субјекти, овој број е многу значаен во споредба со бројот на јавни обвинители.
Во 2022 година, на секои 100 обвинители имало 35 вработени со споредливи функции во Австрија, 19 во Франција, 20 во Монако, 23 во Ирска, 76 во Италија, 361 во Малта, 24 во Холандија и 25 во Швајцарија.
Според Извештајот на Советот на јавни обвинители, за работата на јавните обвинителства во 2024 година спроед правилникот за внатрешна организација и систематизација на работните места во Јавното обвинителство, предвидени се 1.126, од кои пополнети се 371 место.
Со ова, во Македонија на 100.000 жители би имало 20,1 јавнообвинителски службеници.
.
