Македонец починал на плажа во Грција
Осумдесетгодишен маж бил пронајден во несвест вчера попладне на плажата Каријани во општина Паџао.
Според крајбрежната стража, на осумдесетгодишникот кој бил државјанин на Македонија му била укажана прва помош, а потоа со амбулантно возило на ЕКАБ бил пренесен во Општата болница во Кавала, каде што била констатирана смрт.
Централната пристанишна управа на Кавала, која ја спроведува прелиминарната истрага, нареди обдукција во Судско-медицинската служба на Тракија.
