МАГЛИВО И ВРНЕЖЛИВО ЦЕЛА СЕДМИЦА На планините ќе падне снег

Времето утре, 9 февруари, ќе биде облачно, со повремени врнежи од дожд кои ќе бидат поинтензивни во југоисточните делови (над 15 l/m²), а на планините од снег. Поради продор на постуден воздух вренежите од дожд ќе преминуваат во снег и на некои од повисоките места. Ќе има појава на магла во одредени котлини. Ќе дува слаб до умерен југоисточен ветер.

Во Скопје се очекува претежно облачно време со повремени врнежи од дожд. Ќе дува слаб до умерен ветер од југоисточен правец.

Нови врнежи ќе има и во следната седмица кога ќе настапи заладување со повремени врнежи од дожд, а на планините и во некои од повисоките места од снег. Од утре ќе има појава на магла по одредени котлини. Ќе дува умерен, повремено засилен ветер.

.