ЛУЃЕТО БАРААТ СРЕБРЕН НАКИТ: Цените на среброто можат да ги надминат цените на златото?
Цените на среброто можат да ги надминат цените на златото за време на силни економски експанзии.
Во моментов, за една унца злато се потребни 90 унци сребро, пишува CNBC. Цените на среброто би можеле да бидат највисоки во последните 10 години. Според извештајот на Американскиот институт за сребро, постои можност глобалната побарувачка за сребро да достигне 1,2 милијарди унци во 2024 година. Тоа би била втора најголема побарувачка досега. Во извештајот стои дека зајакнувањето на индустриската побарувачка треба да биде главната причина за растечката глобална побарувачка за сребро. Среброто најчесто се користи за индустриски цели, во производството на автомобили, соларни панели, накит и електроника. Извршниот директор на Институтот за сребро, Мајкл ДиРиензо, изјави за CNBC дека очекува среброто да достигне 30 долари за унца. Оваа цена последен пат беше постигната во февруари 2013 година.
Институтот забележал дека годинава побарувачката за сребрен прибор е зголемена за девет отсто, а побарувачката на сребрен накит е зголемена за шест отсто. Значителен раст на побарувачката за сребрен накит се очекува да има во Индија. Закрепнувањето на пазарот на електронски уреди треба да влијае за раст. Откако почна војната во Украина пред две годни, цената на златото расте.
foto freepik.com/fernandocortesde
