„Линк Медиа Плус“ го доби тендерот: Скопје ќе блесне за 53.000 евра – елка од 13 метри и 3Д мече на плоштадот
Град Скопје го избра изведувачот што ќе се погрижи за празничниот амбиент во метрополата. Тендерот за новогодишно украсување го доби фирмата „Линк Медиа Плус“ ДООЕЛ, а целиот зафат ќе ја чини градската каса 3.260.000 денари, односно приближно 53.000 евра. За официјализирање на соработката, се чека само фирмата да достави банкарска гаранција, по што ќе следи потпишување на договорот.
Оваа компанија годинава се позиционира како главен декоратер во земјава, бидејќи претходно ги доби и тендерите за украсување на Општина Центар и Општина Штип.
Според техничката спецификација на тендерот, централното градско подрачје ќе добие нов лик со фокус на плоштадот. Планирано е поставување на:
Празничната магија ќе се прошири и низ главните сообраќајници. Висечки светлосни елементи, лед-фигури, мразулци и декоративни конструкции ќе бидат поставени на улиците и булеварите: „Даме Груев“, „Димитрија Чуповски“, „11 Октомври“, „ВМРО“, „Гоце Делчев“, „Партизански одреди“, како и на улицата „Филип Втори Македонски“.
Посебен акцент е ставен на просторот пред Владата, каде што ќе бидат инсталирани 40 светлосни елементи.
Обврска на „Линк Медиа Плус“ е, освен монтажата, да обезбеди и демонтажа на украсите по завршувањето на празничниот период.
И додека визуелниот изглед на градот е веќе дефиниран, скопјани сè уште немаат официјална информација за забавниот дел. Градските власти засега не откриваат кој ќе ги забавува граѓаните на плоштадот за време на дочекот на Новата година и дали воопшто ќе има организиран пречек.
