Левандовски проработе, со два гола ѝ донесе пресврт за победа на Барса! (ВИДЕО)
Гостите ја расипаа забавата на „Монжуик“ со гол уште по 17 секунди на семафорот. Омородион реализираше по брзиот трк од центар за гостите и најави уште едно проблематично неделно попладне за Барса, која се мачи со настапите во последениов период.
Првото полувреме заврши со истиот резултат, а во второто Левандовски изедначи со прекрасен удар со глава, по центаршут на Кунде. Целосен пресврт направи од белата точка, во 78. минута.
Левандовски имаше пост од шест натпревар, во меѓувреме имаше и три меча кои ги пропушти поради повреда, па помина месец и пол од неговиот последен. Со овие два гола дојде до девет, еден помалку од лидерот меѓу стрелците во Ла Лига, Џуд Белингем.
Барса сега дојде до 30 бода, на третата позиција, два помалку од второпласираниот Реал и четири од сензационалниот лидер Џирона.