ЛЕГО ИГРАЧКИТЕ СЕ ПРОДАВААТ КАКО АЛВА, СЕ ШИРИ НА КИНЕСКИОТ ПАЗАР: Приходите за шест месецисе зголемија за 13 отсто

Данскиот производител на играчки Лего објави дека неговиот
приход во првата половина на 2024 година се зголемил за 13 отсто, што е 4,17 милијарди евра на годишно ниво.

Извршниот директор на компанијата Лего Нилс Кристијансен
рече дека добрите резултати се поттикнати од соработката со компанијата Epic
Games која резултирала со успешна видео игра „Lego Fortnite“, како и добра
продажба на сетовите од серијата „Lego Icons ” (Лего икони) и “Лего
креатор”. (Лего Креатор).

Лего минатата година забележа дека потрошувачите
претпочитаат да избираат производи со пониски цени, додека обемот на продажба
не се промени во однос на 2022 година.

Сега ситуацијата е поинаква и обемот на продажба е зголемен
во однос на претходната година, рече Кристијансен.

Продажбата во САД и Европа останува силна, додека продажбата
во Кина е непроменета, но Кристијансен рече дека постои „долгорочен потенцијал“
во азиската земја, додавајќи дека Лего нема да се откаже од проширувањето на
тој пазар.

Во првиот квартал од 2024 година, Лего отвори 40 нови
продавници ширум светот, од кои 20 во Кина.

До крајот на годината планира да отвори уште 60 продавници,
од кои 20 ќе бидат отворени во Кина. Повеќето
производители на играчки, за разлика од Лего, бележат пад на приходите поради
високата инфлација, што ја ограничува куповната моќ на потрошувачите. Во првите шест месеци од оваа година,
конкурентската компанија Mattel забележа пад на приходите од еден процент на
годишно ниво, а Hasbro за дури 21 процент на годишно ниво.

фото: Unsplash