„Лажните“ фактури за поевтин зелечнук и овошје испратени на проверка во Грција, Албанија, Турција и Србија
Царинската управа узвести дека фактурите на увозниците на овошје и зеленчук, за кои државата се сомнева дека се фалсификувани и дека намерно прикажуваат помали трошоци заради помало царинење, се испратени на проверка кај надлчежните оргфани од каде изминатиот период се увезуваа овие прехранбени продукти – Грција, Турција, Србија и Албанија.
Станува збор за фактури кои навидум делуваат како лажно прикажани, а Царинската управа очекува одговор најдоцна за 10 месеци, з апотоа постапката за утврдување одговорност да може да продолжи.
„Во врска со изнесените сомневања во јавноста дека се приложувани лажни фактури при увозот на земјоделски производи, по извршената анализа за период од 1 јануари до 6 април 2023 година, Царинската управа информира дека на дополнителна проверка на декларираната вредност се испратени фактури приложени кон увозните царински декларации за 11 увозници и тоа во царинските администрации на Грција, Србија, Турција и Албанија соодветно, во зависност од земјата од каде се извезени овие производи.
Врз основа на претходни сомневања за веродостојноост на приложени фактури за увезени земјоделски производи, во декември 2022 година за два од овие увозници, на дополнителна проверка веќе се испратени фактури приложени кон увозни царински декларации до царинската администрација на земјата извозник – Грција.
Согласно меѓународните спогодби со кои се регулира оваа административна соработка меѓу царинските служби, предвидени се рокови од 10 месеци за одговор на овие барања од страна на царинската служба на земјата извозник“, се вели во соопштението на Царина.
Доколку добиените одговори од царинските администрации на Србија, Турција, Албанија и Грција ги потврдат сомневањата дека се приложувале лажни фактури при спроведувањето на увозната постапка, Царинската управа за овие увозници ќе покрене постапка за дополнителна наплата на избегнатите давачки, како и постапка за утврдување на прекршочна или кривична одговорност, во зависност од износот на избегнатите давачки.
