Лажна била објавата на „Водовод“ на Фејсбук: Утре цело Скопје ќе има вода!
Во текот на утрешниот ден Градот Скопје редовно ќе се снабдува со вода, без никаков прекин во снабдувањето.
„За жал, на социјалните мрежи од страна на неовластени лица беа објавени и ширени неточни и непроверени информации, при што против овие лица јавното претпријатие Водовод и канализација ќе превземе соодветни чекори за утврдување на одговорност поради обид да создадат несигурност кај граѓаните на градот Скопје“, информираа пред полноќ од ЈП Водовод и Канализација.
Утре сите населени места во Градот Скопје ќе бидат целосно и редовно снабдени со вода за пиење.
