КВАДРАТ ВО ЗЛАТИБОР СТИГНА НА 2.500 ЕВРА?! Но, стан од 33 квадрати може да се најде за 44.000! Еве колкав е приходот од киријата
Златибор важи за една од најпопуларните планини во Србија. Се наоѓа во општина Чајетина и има само околу 2.000 жители. Тоа е едно од најатрактивните и најпосетуваните места, особено во зимо, но станува и едно од најскапите. Киријата е скапа, а ништо не е подобро дури ни во однос на квадратурата.
Последниве неколку години на Златибор никнуваат нови згради, понудата е се побогата, а кога ќе се спореди со периодот од пред десет години, разликата во цените е многу видлива. Купувањето стан на ова место многумина го сметаат за добра инвестиција во иднина, бидејќи изнајмувањето прави добри пари.
Минатата година на најатрактивните локации во Србија се продадени околу 1.500 станови, од кои 900 на Златибор.
Многу станови се продаваат додека се уште се во изградба
На речиси сите згради што се градат на Златибор пишува дека становите се продаваат, а некои се однапред продадени додека зградата се уште е во изградба. Изборот е многу богат за сите оние кои ќе се решат да купат недвижен имот токму на ова место, а секој ден има се повеќе нови понуди.
Милиќ Ѓоковиќ, проценител на недвижности, вели дека е невозможно да се споредат Златибор и цените на недвижностите сега и пред десет години.
– Навистина е неспоредливо, цените се речиси 3 пати повисоки од 2013 година. Златибор ми се допаѓаше многу повеќе тогаш отколку сега. Едноставно таа планина доживеа бум во последните 3-4 години.
– Градежништвото експлодираше, особено во времето на корона вирусот, што имаше значително влијание врз растот на цените на недвижностите. Мислам дека градбата во Златибор е префорсина, и дека Златибор можеби многу доби, но и изгуби многу.
Граѓаните купувањето недвижен имот во планина го сметаат за паметна инвестиција, бидејќи со таквото купување можат да профитираат со издавање сместувачки капацитети во текот на целата година. Од година во година оваа планина бележи голем интерес од страна на побарувачката, а извесно е дека овој тренд ќе продолжи и во наредниот период, додава таа.
Квадрат од 1.250 до 2.500 евра
Цените се движат од 1.250 евра за метар квадратен до 2.500 евра, се во зависност од локацијата, близината до центарот, инфраструктурата, како и нивото на опременост на самите станови, како и капацитетите што ги нуди објектот.
Во зградите кои нудат капацитети како базени, спа центри, спортски сали, гаражни простори, детски игротеки, цената за метар квадратен може да достигне и над 2.500 евра за метар квадратен.
Новите згради ги продаваат инвеститорите, но во релативно новоизградените згради и поединци продаваат станови. И оние помалите станови од 30 до 50 квадрати може да се најдат без проблем, а воедно се и најбарани.
Во центарот на Златибор на 5 минути пешачење од шеталиштето во зграда стара три години се продава реновиран стан комплетно наместен со бела техника и камин за 2.000 квадрат. За сериозни купувачи, цената може да биде пониска
Цената на становите во изградба е околу 1.600 евра
Малку понатаму, стан во изградба чини 1.600 евра. А во зградата до него има неколку од 1.800 до 2.000 евра + ДДВ, со рок на градба до април.
Просечниот приход од кирија во нова зграда е околу 400-500 евра. Вонсезона ќе биде само 250 евра, во сезона до 700. Ако се земе во предвид цената на квадрат која лани овде беше и до 2500 евра и за инвестиција не е баш голем приход.
Стан од 33 квадрати на Златибор се продава за 49.000 евра
А понудата во огласите е многу богата. Цените се шарени. Една од најевтините понуди била 44.550 евра за стан од 33 метри квадратни, додека една од најскапите била дури 300.000 евра за стан од 100 метри квадратни. Стан од 33 квадрати на Златибор се огласува за 49.000 евра. Цената за метар квадратен е 1.531 ево. Во огласот стои дека станот е во строгиот центар на Златибор. А од дополнителната опрема има и подрум, продажбата е директна и без посредник.
Фото: Википедиа
