Курти бесен на Европската Унија за казнените мерки: „Ова е неправедно“
Премиерот на Косово Албин Курти изјави дека казнените мерки што ги воведе Европската унија на Косово се неправедни, но дека Владата го продолжува својот пат без да прави компромиси со владеењето на правото и уставноста, пренесува Дукаџини.
Курти на отворањето на паркот во Штимљ рече дека се надева оти овие мерки нема да траат долго бидејќи на Косово му е потребна поддршка на патот напред.
– Тоа не се санкции, но точно е дека се казнени мерки и се неправедни, затоа што Косово и неговата влада имаат најдемократска, проевропска и најнапредна државна и извршна моќ. Од друга страна, имаме постојана конфронтација со различни форми на агресија од Србија, која е автократска и проруска држава и која не се соочи со своето криминално минато на територијата на поранешна Југославија, каде што предизвика четири војни.
Во секој случај, ние си ја работиме нашата работа, но да не заборавиме дека не може да има компромис со владеењето на правото или со уставноста на нашата држава, така што ќе продолжиме со реализација на нашата владина програма и се надеваме дека овие привремени мерките ќе бидат многу кратки бидејќи Косово е земја на која и треба поддршка во понатамошниот развој – рече Курти.
