Кривичен ја објави пресудата за претходното дело на 20-годишникот кој ја прегази Фросина
Основниот кривичен суд Скопје ја објави пресудата за претходното кривично дело на Васил Јованов, осомничен за смртта на 22-годишната Фросина Кулакова, која трагично загина во сообраќајната несреќа на булеварот „Партизански одреди“. Судот ја објави пресудата за неовластено производство и пуштање во промет на наркотични дроги, по која Јованов беше прогласен за виновен и му беше изречена воспитна мерка – упатување во воспитно-поправен дом.
Пресудата е резултат на главната расправа која започна на 24 јули 2024 година и заврши на 31 јули 2024 година. Судскиот состав беше предводен од судијата Даниела Алексовска-Стојановска, со судии поротници Весна Цветкоска и Милисав Таневски. Освен ова, Јованов беше пријавуван и за друга сообраќајна незгода од 4 ноември 2022 година, во која едно лице се здобило со полесни повреди.
Во меѓувреме, во Скопје, денеска стотици граѓани се собраа на булеварот „Партизански одреди“, каде што се одржа протест во чест на Фросина, барајќи правда за нејзината трагична смрт. Протестирачите маршираа низ Скопје, минувајќи покрај Собранието и Кривичниот суд, изразувајќи ја својата бес и разочарување од неказнивоста и неефикасноста на системот.
Во родниот град на Фросина, Неготино, исто така се одржува протест, додека за в недела е најавен нов протест во Кавадарци, како продолжение на барањата за правдата која, како што велат граѓаните, не смее да изостане.
