Кожув го изненади ТФТ, шампионот рутински убедлив во Куманово!
Гевгеличани заслужено дојдоа до триумфот со оглед што во најголем дел од средбата беа во водство, користејќи го заморот кај противникот од Скопје, за кого ова беше четврти меч во само осум дена поради настапот на турнирот во АБА2 минатата недела. Мајрон Гордон со 32 поени, четири скока и шест асистенции беше убедливо најзаслужен за успехот на домашните, додека зад него беа Домен Братож со 15 и Илија Колев со 14 поени. Дупри Мекбраер со 15 поени беше најефикасен кај ТФТ.
МЗТ Скопје, пак, без мака и рутинско дојде до триумф на гостувањето кај Куманово (88-68), во меч кој беше рамноправен само во првото полувреме. Гостите во вториот дел уфрлија во повисока брзина, што резултираше со убедлива победа. Кеандре Кук со 17 поени беше најефикасен кај шампионот, Дамјан Стојановски постигна 14 поени, додека Мајк кефи мечот го заврши со девет поени, осум скока и 11 асистенции.
Утре силите ќе ги одмерат екипите на Чаир и Пелистер (18 часот) што е последен меч од пролонгираното 17. коло.
