Ковачевски: Работа од 60 часа неделно само на стратешки проекти
Премиерот Димитар Ковачевски при денешната посета на Кочани рече дека работното време од 60 часа неделно ќе важи само за работа на стратешките проекти каков што е изградбата на Коридорите 8 и 10д од страна на конзорциумот Бехтел и Енка.
Претходно имаше дилемо во јавноста дали прелдожените измени на Законот за работни односи ќе значи дека работното време наместо 40, да биде 60 часа неделно ќе важи за целиот пазар на труд.
– Овде се работи за законска измена која што се однесува само на ваков стратешки проект од национален интерес . Интенцијата е на доброволна основа, работник кој ќе сака да работи, да му биде платено секој дополнителен час и недела дневница повисока за 50 проценти. Ќе се забрза така изградабата на патот и ќе се намали сумата на вкупното чинење бидејќи автопатот ќе се изгради побрзо, наведе Ковачевски.
Тој додаде дека останува на пратениците да се консултираат со правниците и тоа да го изгласаат.
Претходно пратеникот на ВМРО-ДПМНЕ, Александар Николоски, денеска објави дека ако не се изгласаат измените до 22 април, Бехтел и Енка, според договорот, треба да добие отштета од 53 милиони евра.
Денеска Министерството за политички систем на чело со Артан груби организира брифинг со медиумите, за како што велат, да се разјаснат сите детали.
