Ковачевски: Да го отвориме Уставот и следниот ден Мицкоски ќе добие пет министерски места во Владата
Премиерот Ковачевски му предложил на Христијан Мицкоски заеднички да го отворат Уставот и следниот ден на ВМРО-ДПМНЕ да му отстапи пет министерски места на СДСМ во владата.
– Предложив да ги изгласаме, отворањето на уставот и уставните амандмани и веднаш по последното гласање да одиме на избори. Но во текот на изминатиот период сфатив дека за господинот Мицкоски и ВМРО-ДПМНЕ е важно да бидат дел од власта. За да покажеме дека не сме ориентирани за политички поени само за себе и дека не ни е фокус само резултатот на следните избори, предложив заеднички да го изгласаме отворањето на Уставот и веднаш утредента ВМРО-ДПМНЕ да влезе во владата при што СДСМ ќе ослободи половина од своите места за нивни министри.
На тој начин ќе направиме влада која ги обединува сите и таа влада ќе го спроведе процесот на уставни измени, ќе го заврши скрининг-процесот које во тек и таа влада ќе ги отвори поглавјата и дури може и да затвори едно или две од поглавјата кои се дел од првиот кластер “основи“ и потоа ќе се организираат редовни избори – истакна Ковачевски.
Тој предложил да се донесе и завршна одредба во Уставот со која измените ќе важат од моментот на втората меѓувладина конференција.
