КОСТА СЕ ПЛАШИ ОД ЕДНО, А ТОА НЕ Е ПОВРЗАНО СО ЗАТВОР! Загрижен е дека ќе остане без ништо, а плаче и за неговата сестра
Коста Кецмановиќ, момчето-убиец што изврши масакр во ОУ „Владислав Рибникар“ во Врачар, неодамна, како што објави српска Република, плачел во својот кревет на Клиниката за психијатрија и неврологија за деца и младинци. Тој се пожалил дека ја нема неговата сестра и побара од вработените да му кажат како е таа.
Како што пишува медиумот извор кај него повторно била забележана загриженост и страв.
-Тој се надева дека во одреден момент ќе биде ослободен од институцијата каде што е сместен. Сега се плаши дека ќе остане без ништо материјално откако слушнал дека на неговите родители им се суди и дека се што имаат ќе треба да им се даде на обештетување – вели добро упатен извор на Република.
Како што продолжува, момчето-убиец сфаќа дека по тужбата на родителите на настраданите деца, на име обештетување, ќе им биде одземено се.
– Сеуште е убеден дека ќе се извлече, а најголем страв му е дека тогаш нема да има ништо – истакна нашиот извор.
За потсетување, родителите на убиените деца поднесоа тужба против семејството на момчето кое изврши масовно убиство во ОУ „Владислав Рибникар“. Тужбата ја поднеле 27 лица, членови на семејствата на загинатите, а обвинети се момчето, таткото и мајката.
Тужбата се однесува на надомест на нематеријална штета за претрпена душевна болка поради смрт на блиско лице, како и за претрпениот страв.
Судот ќе одлучи по тужбеното барање и дури по завршувањето на граѓанската постапка ќе донесе одлука дали целосно или делумно ќе го прифати барањето на семејството, или евентуално ќе го одбие.
Инаку, за потсетување, судијата за претходна постапка на Вишиот суд во Белград во јуни минатата година донесе решение со кое на предлог на семејствата на убиените деца во основното училиште „Владислав Рибникар“, Владимир Кецмановиќ, таткото на момчето убиец, му било забрането да отуѓува и оптоварува недвижен и движен имот чиј сопственик е тој.
Овој судски процес започна во октомври, кога беше завршено прелиминарното рочиште, а на крајот на декември сведочеа членовите на семејствата на убиените – Божовиќ, Чикиќ, Мартиновиќ, Аќимовиќ и Влаховиќ.
