КОЛКУ ЌЕ ПОСКАПИ СТРУЈАТА – граѓаните ја очекуваат утрешната одлука на Регулаторната комисија за енергетика
Утре ќе се знае дали и за колку ќе се зголеми цената на струјата.
Одлуката на пресконференција ќе ја соопшти првиот човек на Регулаторната комисија за енергетика, Марко Бислимовски.
Ве покануваме да ја проследите прес-конференцијата која ќе се одржи во понеделник во 12 часот во просториите на РКЕ, на која ќе бидат соопштени одлуките поврзани со цената на преносниот и дистрибутивен систем за електрична енергија (МЕПСО, Електродистрибуција, МЕМО)“, се вели во поканата до медиумите за утрешниот настан.
Медиумите во земјава деновиве пишуваа дека од почетокот на идната година ќе добиеме повисоки сметки за струја, но точниот процент на поскапувањето сè уште не е познат.
Како што е познато, ЕСМ веќе му понуди на ЕВН хоум цена од 62 евра за мегават-час, што претставува зголемување од 3,3 отсто во однос на сегашните 60 евра. Бислимовски нагласи дека клучната компонента за крајната цена е трошокот за загуби во мрежата. Премиерот Христијан Мицкоски рече дека поскапувањето ќе биде минимално и ќе се однесува само на третиот и четвртиот блок.
