Кочан ладно! Утрово на ова место беше -13 во Македонија

Екстремно ниски температури утринава ја зафатија Македонија, при што Берово беше најстудениот град со -14°C. Леден бран го зафати и високопланинскиот регион, каде што на Попова Шапка и во Маврови Анови беа измерени -13°C, додека Крушево и Крива Паланка регистрираа -12°C.

Во Скопје, утринските температури паднаа до -10°C во Петровец и -9°C на Зајчев Рид. Студено беше и во Велес, Тетово и Демир Капија со -9°C, а најмалку студено беше во Гевгелија, каде што утрото почна со -4°C.

Што се однесува до снежната покривка, најмногу снег има на Попова Шапка со 32 cm, додека во Маврови Анови се измерени 8 cm, а во Крушево само 1 cm.

Иако утрото беше ледено, денот ќе донесе стабилно и сончево време, со слаб северен ветер. Температурите ќе се искачат во интервал од 0 до 9°C, а во Скопје дневниот максимум ќе достигне 7°C.

Метеоролозите најавуваат продолжување на студениот период, но со сончеви денови и постепено затоплување во наредните денови.