Кој го загадува Скопје? Градот се гуши иако „дежурниот виновник“ не работи

Лош квалитет на воздухот бележи интернет страницата Скопје пулс еко www.skopje.pulse.eco, каде според податоците измерени се 220 ПМ10 микрочестички на метар кубен во местото Теферич, а состојбите се слични и на другите локации низ главниот град, јавува Фактор.мк

Па така, како што пишува порталот, во Центар измерени се 177 ПМ 100 на метар кубен, во Тафталиџе 132 ПМ 10, а во Сарај и Ѓорче Петров измерени се 156 и 157 ПМ 10 на метар кубен.

Ваквата состојба во градот е во текот на изминатиот период, вклучуваќи го и периодот на а празниците. Околу Божиќ состојбата беше алармантна а маглата и смогот дополнително ја влошија состојбата.

Граѓаните на Скопје секоја година се соочуваат со ист проблем, а истиот проблем е и во другите градови. Надлежните наместо со мерки и заложување на јасно лоцирање на проблемот и можните решенија, си ја префрлаат топката, а индрустријата најчесто е посочувана како главен виновник, но се чини не е единствен проблем.

Цементарница УСЈЕ од почетокот на годинава работеше со преполовен капацитет, односно едната печка влезе во редовен ремонт, а од минатата недела во ремонт е и другата печка, што значи дека компанијата не работи, покажуваат податоците од мерењето на емисиите на компанијата кои се јавно достапни, но и покрај ваквата фактичка состојба, Невладината О2 колаиција излезе со обвинување дека токму оваа компанија е најголем индустриски загадувач, а доказ за тоа беа фотографии.

Од компанијата ги демантираа ваквите според нив паушални тврдења и посочија дека „секоја зима компанијата се обвинува без никакви аргументи“.

Оттаму ги повикаа сите невладини организации, институции и граѓани да ги посетат и да се информираат, а истакнаа и дека поседуваат Интегрирана еколошка А дозвола, издадена од Министерството за животна средина и просторно планирање, а дека сите операции во компанијата се следат со 24 часовен мониторинг на индустриските емисии, од страна на германскиот производител SICK, чија опрема гарантира независно мониторирање на сите точки кои се точно утврдени од надлежните институции.

Извор: Фактор.мк