Лувр ги зголеми цените на билетите пред Олимпијадата во Париз
„Цената на билетите во Лувр е зголемена за 5 евра во пресрет на Олимписките игри во 2024 година“, објавено е на веб-страницата на парискиот музеј, пишува „Бизнис тајмс“.
Од денеска цената на билетите е зголемена за речиси 30% – од 17 на 22 евра. Посетата на Лувр и понатаму ќе биде бесплатна за помлади од 18 години и жители на ЕЕА до 26 години.
Како што објаснува раководството на музејот во соопштението, поскапувањето е последица на инфлацијата и поскапувањето на струјата. „Сепак, секој друг посетител има право бесплатно да ја види изложбата“, забележуваат од музејот.
Отворен во 1793 година, Лувр е најпосетуваниот музеј во светот. Во 2022 година неговата колекција, која зафаќа 86 илјади квадратни метри, ја погледнале 7,2 милиони луѓе, што на музејот му донело 76,5 милиони евра.
Во 2023 година, бројот на посетители бил 8,9 милиони, а 3,6 милиони посетители (41%) влегле во музејот бесплатно.
„Париз очекува околу 15 милиони туристи да ги посетат Летните олимписки игри“, соопшти Министерството за туризам.
Претходно беше објавено дека цената на патувањето во париското метро ќе се удвои за време на Олимпијадата во 2024 година на 4 евра, а не на 2,10 евра како што е сега. Олимписките игри во Париз ќе се одржат од 26 јули до 11 август, а Параолимписките игри од 28 август до 8 септември.
