Која државна институција, во очи избори, унапреди 8% од сите вработени?
Државниот завод за статистика (ДЗР) во два огласи унапреди вкупно 21 лице меѓу кои четворица станаа раководители на одделенија и сектори, а 19 лица се унапредени во соработници, виши соработници и советници
Соработник, виш соработник, советник и раководител ова се новите звања во систематизацијата за 23 вработени лица кои добија унапредувања од Апостол Симовски, директорот на Државниот завод за статитистика.
Во два процеси односно огласи Државниот завод за статистика унапреди вкупно 23 лица од кои четворица станаа раководители, а другите 19 вработени се поместени нагоре во соработници, виши соработници или советници.
Државниот завод за статистика, според официјалните податоци, достапни на неговата веб страница има вкупно 288 вработени лица. Со овие два огласи и одлуки дури 8 отсто од сите нив добија унапредување. Постапката е завршена во очи претстојните претседателски и парламентарни избори во кои не може да се започнува ниту врши вработување или унапредување во органите на државната администрација.
Инаку двата огласи биле распишани за унапредување на четворица вработени во раководители на сектори и одделенија и уште 21 вработо лице кои требало да бидат унапредени во соработници, виши соработници или советници.
На огласот за раководители се избрани четири лица за сите понудени раководни места. На другиот интерен оглас за соработници, советници и виши соработници биле избрани 19 лица, а за две биле поништени огласите.
За волја на вистината на ДЗР мора да му се признае дека целосно и транспарентно ги има ставено на јавен увид одлуките за унапредување и тие се достапни на следните линкови https://www.stat.gov.mk/pdf/konkurs/Odluki_012023_25012024.pdf и на https://www.stat.gov.mk/pdf/konkurs/Odluki_022023_25012024.pdf
ДЗР секако важи за една од најтранспарентните државни инстутиции чија работа е јавно мерлива и видлива според бројот на објави и статистички извештаи кои ги пласираат за потребите на јавноста.
Државниот завод за статистика е стручна и самостојна организација во рамките на државната администрација во Македонија. Основни функции на институцијата се прибирање, обработка и дисеминација на статистички податоци за демографските, социјалните и економските појави во македонското општество.
Државниот завод за статистика е лоциран во Скопје и во институцијата работат 288 лица (195 во Централниот завод и 93 лица во 8-те регионални одделенија).
