Гати ги почести „нераѕурите“, Интер му избега на Јувентус (ВИДЕО)

„Нераѕурите“ беа многу подобри од својот ривал, но интересно е тоа што победничкиот погодок, всушност, беше автогол. Во 37. минута Гати несмасно реагираше во својот шеснаесетник и со гради ја вметна топката во голот за водство на Интер кое подоцна се покажа доволно за победа.

Во вториот дел домаќините имаа уште неколку изгледни шанси за зголемување на предноста, но малку нивната невнимателност, а малку Шчесни, спречија поубедлив триумф. Фудбалерите на Јувентус упатија само еден директен удар кон противничкиот гол.

Ова беше четврта победа по ред за Интер кој сега има четири бода предност во однос на Јувентус и натпревар помалку. Сепак, тоа не значи многу бидејќи до крајот треба да се одиграат уште 15 кола.