КИЧЕВО И СТРУМИЦА СЕ ГУШАТ ВО СМОГ Прагот за алармирање надминат, еве кои мерки стапуваат во сила
Според податоците од Државниот автоматски мониторинг систем за квалитет на амбиенталниот воздух и добиената временска прогноза од Управата за хидрометеоролошки работи, прагот на алармирање на суспендирани честички со големина до 10 микрометри (надминување на вредноста од 150 mg /m3 во текот на два последователни денови) е надминат во Кичево и во Струмица – информира Министерството за животна средина и просторно планирање
Во следната табела се прикажани среднодневните концентрации на PM10 на мернoто место и деновите каде има појава на надминување на праг на алармирање:
Минстерството информира дека, во согласност со настанатата состојба, во овие места стапуваат во сила следните мерки:
– Да се интензивираат вонредните инспекциски надзори на инсталациите со А-Интегрирана еколошка дозвола
– Да се интензивираат вонредните инспекциски надзори на терен за контрола на инсталациите со Б-Интегрирани еколошки дозволи и Елаборати
– Инсталациите со континуиран мониторинг да овозможат јавен пристап на измерените податоци
– Да се интензивираат вонредните контроли на техничката исправност на возилата, особено оние со дизел горива и нерегистрирани возила
– Да се интензивираат вонредните контроли на градилиштата
– Забрана на горење на отворено
– Се препорачува на сите правни субјекти (работодавци) да ги ослободат од работни обврски бремените жени, лицата постари од 60 години, како и лицата со хронична астма, прележан миокарден инфаркт или мозочен удар, без разлика на возраста, со препорака на матичен лекар
– Се препорачува на сите правни субјекти (работодавци) да го реорганизираат работното време и лицата кои работат на отворено да работат од 11.00 до 17.00 часот
– Се препорачува да не се организираат спортски натпревари и други културни манифестации на отворено.
Министерството потсетува дека Прагот на алармирање е дефиниран во Уредбата за изменување и дополнување на Уредбата за гранични вредности за нивоа и видови на загадувачки супстанции во амбиенталниот воздух и прагови на алармирање, рокови за постигнување на граничните вредности, маргини на толеранција за гранична вредност, целни вредности и долгорочни цели (Службен весник на Република Македонија бр. 183 од 14.12.2017 година).
.
