КАУФЛАНД ХРВАТСКА ГИ НАМАЛУВА ЦЕНИТЕ НА ПОВЕЌЕ ОД 1.000 ПРОИЗВОДИ, А ЕВЕ ШТО ЌЕ НАПРАВИ КОНЗУМ: Хрватите денеска „казнуваат“ сè
Хрватите денеска
најригорозно бојкотираат против скапотијата. Освен што не пазарат во маркетите,
се воздржуваат „од какви било купувања“ во петок, што ги вклучува сите
продавници, трансакции со банки, телекомуникации, нарачки преку платформи за
испорака, кафулиња, ресторани, бензински пумпи и во аптеки.
Малопродажниот ланец Кауфланд Хрватска денеска најави
намалување на редовните цени за повеќе од илјада производи што ќе започне на
5-ти февруари годинава.
Кауфланд, како што се наведува во соопштението, на своите
клиенти им обезбедува повеќе од 1.800 производи по промотивни цени секоја
недела.
Попустите започнуваат
на 5-ти февруари
Дополнително, по трет пат за една година, почнувајќи од 5-ти
февруари годинава, ги намалува цените на повеќе од 1.000 производи, кои
повторно ќе им бидат достапни на купувачите по намалени редовни цени.
Ваквите попусти, како што наведува Кауфланд, се дел од
нивните постојани напори основните намирници и производи да ги направат што
подостапни за граѓаните по поприфатливи цени.
„Свесни за
промените на пазарот и предизвиците за управување со буџетот на домаќинствата,
Кауфланд се стреми да остане сигурен партнер во секојдневното купување со широк
асортиман од просечни 19.000 производи кои ги задоволуваат различните потреби
на потрошувачите“, нагласуваат од трговскиот синџир.
И малопродажниот
синџир Конзум соопшти дека во соработка со хрватските добавувачи инвестирале
дополнителни милион евра во намалување и заклучување на цените на 250 домашни
производи кои не се вклучени во најавената владина одлука за ограничување на
цените.
