Катар на Вујовиќ се спаси од бламажа и ја очекува Македонија

Катарците постојано беа во водство, но во последните моменти му дозволија на противникот да се доближи на само два гола разлика (21-23). Сепак, со два погодока вво низа, четата на Веселин Вујовиќ дојде до сигурно водство кое се покажа доволно за триумф. Најдобар играч на натпреварот беше поранешниот ракометар на Металург, Жарко Марковиќ кој постигна седум гола за Катар.

Со овој триумф, Катарците обезбедија пласман во втората рунда каде најверојатно за противник ќе ја имаат и Македонија, ако утре нашите ракометари не дозволат сензација и ја совладаат Гвинеја. Заедно со Катар, во „нашата“ група ќе отидат и Франција и Австрија.

РЕЗУЛТАТИ
Чиле – Шведска 30-42
Данска – Италија 39-20
Исланд – Куба 40-19
Катар – Кувајт 25-22