Касетните бомби пристигнаа во Украина од САД: „Ова може радикално да ја промени ситуацијата на фронтот“
Касетните бомби испуштаат стотици помали бомби кои, неексплодирани, можат да останат во земјата и да претставуваат опасност за цивилите долго по завршувањето на конфликтот.
Вооружените сили на Украина веќе добија спорна касетна муниција ветена од Вашингтон на Киев дека ќе и помогне во нејзината контраофанзива против руските сили, изјавија во четвртокот воени претставници од двете земји.
„Штотуку го добивме, сè уште не сме го користеле, но може радикално да ја промени ситуацијата на бојното поле“, рече Олександар Тарнавски , командант на контраофанзивата на југот на земјата, во интервју за американската телевизија Си-Ен-Ен.
САД минатата недела објавија дека ќе го испратат оружјето во Украина, и покрај загриженоста за долгорочните последици за цивилното население.
„Непријателот разбира дека со добивањето на оваа муниција ќе добиеме предност“, додаде Тарнавски, посочувајќи дека украинската армија нема да ја користи во густо населените места.
Американскиот претседател Џо Бајден изјави дека одлуката за испраќање касетни бомби во Украина е „тешка“, но посочи дека на Киев му требаат дополнителни количества оружје за да ги наполни празните складишта и дека самите САД почнуваат да остануваат без конвенционална муниција.
Касетните бомби испуштаат стотици помали бомби кои, неексплодирани, можат да останат во земјата и да претставуваат опасност за цивилите долго по завршувањето на конфликтот.
Тие се забранети во многу земји, вклучително и европските земји потписнички на конвенцијата од Осло во 2008 година. Русија, Украина и САД ја немаат потпишано таа конвенција.
Кремљ веќе се закани со „контрамерки“ доколку Киев ги употреби овие бомби против руските војници во Украина.
